Answers

2016-02-18T13:50:46+08:00
Sa isang kaharian sa bundok grairat, nakatira ang mag-asawang hari Prathum at Reynang Janta kinnaree. Sila ay may pitong anak na kinnaree. . Ang pitong kinnaree ay kalahating babae at kalahating sisne. Sila’y nakalilipad at nagagawang itago ang kani-kanilang pakpak kung kanilang nanaisin. isa na dito ay si prinsesa Manorah. Si prinsesa Manorah ay may taglay na kakaibang ganda na tunay naming nakabibighani.

Sa loob ng kaharian ng grairat, matatagpuan ang kagubatan ng Himmapan kung saan matatagpuan ang napakagandang at kaaya-ayang lawa na paburitong lugar ng pitong prinsesang kinnaree. Dito rin sa kagubatang ito namamahay ang iba’t ibang babangis at nakatatakot na nilalang. Masaya silang dumadala rito lalo na tuwing kabilugan ng buwan. Sa hindi naman kalayun sa lawa ay may nakatirang isang matandang ermitanyo na nagsasagawa ng kanyang meditasyon.

Isang araw napapad ang isang binata sa kagubatan ng Himmapan. Siya ay si Prahnbun. Nasaksihan niya ang pitong prinsesa na masayang nagtatampisaw sa lawa at sa isang iglap lamang ay nabighani na siya sa kagandahan ni prinsesa Manorah, kaya naman naisip niya na kung mahuhuli niya ang magandang prinsesa at ibigay kay prinsepe Suton ay tiyak na matutuwa sakanya ang prinsepe.

Hindi alam ni Prahnbun kung paano niya mahuhuli ang prinsesa kaya naman nagpatulong siya sa matandang ermitayo. Batid ng matandang ermitayon na hindi ganoon kadali ang manghuli ng isang kannaree ngunit alam niya na isang dragon ang makakatulong sa binata kaya ito ay pinayuhan niyang hanapin ang nasabing dragon.

Tumalima naman kaagad ang binata at hinanap ang nasabing dragon, nang mahanap na niya ang dragon ay isinalaysay nito ang kanyang planong hulihin ang isa sa pitong prinsesang kannaree. Sa una ay ayaw sumangayon ng dragon ngunit napa sangayon din siya ng masigasig na binata.

Binigyan ng dragon si Prahnbun ng makapangyarihang lubid na siyang panghuhuli niya sa Prinsesa Manorah. Nagpasalamat ang binata at agarang lumisan upang hulihin ang isa sa mga prinsesa. Inihagis ni Prahnbun ang lubid at matagumpay na nahuli si Prinsesa Manorah. Ganun nalamang ang pagkaawa ng ibang mga kapatid ng prinsesa.  Itinali nang mahigpit ni Prahnbun ang pakpak ni Prinsesa Manorah upang hindi makawala at tuluyang  maibigay kay Prinsipe Suton na nagkataong naglalakbay rin sa kagubatan. Nakasalubong niya si Prahnbun dala-dala si Prinsesa Manorah. Agad-agad na naakit sa kagandahan ni Prinsesa Manorah ang prinsipe. Nang isalaysay ni Prahnbun kay Prinsipe Suton ang dahilan kung bakit niya hinuli at dinala ang prinsesa sa harap niya, nagpasalamat ang prinsepe at ginantimpalaan ang binata Nagbalik ang prinsipe sa kaniyang palasyo dala-dala si Prinsesa Manorah kung saan umusbong ang isang tunay na pag-ibig sa isa’t isa.
18 4 18